Radioitahuka

Kuva Ishyaka CNDD FDD ryakwemeza Perezida Pierre Nkurunziza nk’umukandida mu matora y’umukuru w’igihugu, abadashyigikiye ubutegetsi bwe bahise batangira imyigaragambyo. Iri tangazo rya Leta y'U Rwanda, irya mbere isohoye rivuga ku bibera mu Burundi riramagana ibikorwa by'urugomo bibera muri iki gihugu. Muri iri tangazo Ministeri y'ububanyi n'amahanga ihamagaraira abanyapolitiki gukora igishoboka cyose kugira ngo imvururu zihagarare kandi abasivili ntibakomeze guhutazwa. Uretse uyu mubare munini w'impunzi ,iri tangazo rivuga ko u Rwanda rufite impungenge z'amakuru yemeza ko umutwe wa FDLR ngo waba wamaze kwivanga muri iki kibazo cy'U Burundi.